Շանը նացիստական ողջույն սովորեցրած տղամարդը ատելության հողի վրա հանցագործության համար մեղավոր է ճանաչվել

News.am

Շոտլանդիայում տղամարդը, ով իր ընկերուհու մոպսին նացիստական ողջույն է սովորեցրել և տեսանյութ տեղադրել է YouTube-ում, մեղավոր է ճանաչվել ատելության հողի վրա  հանցագործության համար: Դատարանը տեսանյութը «չափազանց վիրավորական» է համարել: 30-ամյա Մարկ Միչանի դատավճիռը կհրապարակվի ապրիլին, հաղորդում է Independent-ը:

Մարկը շանը սովորեցնում է արձագանքել «թունավորեք հրեաներին» բառերին, որը նա կրկնել է 23 անգամ: Բացի դրանից, շունը «Sieg Heil» արտահայտությունը լսելով բարձրացրել է թաթը: Տեսանյութը դիտվել է ավելի քան 3 միլիոն անգամ: 2016 թվականի ապրիլին տեսանյութը տեղադրելուց հետո Միչանը կալանավորվել է:

Նա վստահեցնում է, որ ընդամենն ուզում էր ընկերուհուն բարկացնել: