Ռումինիայի նախագահը «հանցագործներ» բառը օգտագործելու համար տուգանվել է 444 եվրոյով
Ռումինիայի խտրականության դեմ պայքարի ազգային խորհրդի ղեկավար կոլեգիան որոշում է կայացրել, որով նախագահ Կլաուս Յոհանիսին «հանցագործներ» բառը օգտագործելու համար տուգանել է 2000 հազար լեյով (444 եվրո): Հաղորդում է Agerpres գործակալությունը:
«Ռումինիայի նախագահ Կլաուս Յոհանիսի կողմից «հանցագործ» տերմինի օգտագործումը խտրականություն է և խախտում է դեռևս չդատապարտված, բայց դատական ընթացակարգում գտնվող անձանց արժանապատվության իրավունքը: 2 հազար լեյով տուգանք է սահմանվել»:
Նախագահի աշխատակազմն ի պատասխան ասել է, որ Յոհանիսը կբողոքարկի այդ որոշումը: «Ռումինիայի նախագահը կարծում է, որ սա քաղաքական որոշում է, և այն իրավասու ատյանում կբողոքարկի», - ասվում է զեկույցում:
Վերջին տարիներին Ռումինիայի դատախազները կոռուպցիայի մեղադրանքով բազմաթիվ բարձրաստիճան պաշտոնյաների և գործարարների են դատապարտել, որոնցից շատերը Սոցիալ-դեմոկրատներ են: