Ողջ-ողջ թաղվածը 11 օր փորձել է դուրս գալ դագաղից
News.am
37-ամյա Ռոզանգելա Ալմեյդա դուշ Սանտոսը հիվանդանոցում մահացել է։ Կնոջը թաղել են հենց նույն օրը։ Սակայն պարզվել է, որ բժիշկները սխալվել են՝ նրան մահացած համարելով, և Ռոզանգելային ողջ են թաղել։Նա 11 օր պառկել է դագաղում և այդ ամբողջ ընթացքում փորձել է դուրս գալ այնտեղից։ Տեղի սնահավատ բնակիչները լսել են կանացի աղաղակները և թակոցները, բայց արագացրել են քայլերը, որպեսզի շուտ անցնեն գերեզմանի կողքով։
11 օրից Ռոզանգելայի բարեկամները իրենք են հանել դագաղը, այդ պահին նա արդեն մահացած է եղել։ Նրա մարմինն ու ոտքերը կապտուկներով ծածկված են եղել և դեռ տաք են եղել։
Հիվանդանոցի մամլո քարտուղարը, որտեղ սխալմամբ հաստատել են նրա մահը, հայտարարել է, որ բժշկական հաստատությունը կտրամադրի ամբողջ անհրաժեշտ տեղեկատվությունը այս ողբերգության հետաքննության համար։
Մահացած կնոջ քույրը սակայն հայտարարել է, որ ընտանիքը չի պատրաստվում մեղադրել հիվանդանոցին և բժիշկներին կատարվածի մեջ։