Չինաստանում մտադիր են թաղման ժամանակ ստրիպտիզն արգելել

News.am

Չինաստանի իշխանությունները մտադիր են հուղարկավորությունների ժամանակ ավանդական էրոտիկ պարերի և այլ բուռն զվարճանքների դեմ պայքար սկսել, գրում է The Global Times-ը:

Վերջին տարիներին մի քանի պարային համույթներ արդեն տուգանվել են հուղարկավորությունների ժամանակ էրոտիկ համարների համար, սակայն հիմա, Պեկինը  մտադիր է ամբողջությամբ արմատախիլ անել այդ երևույթը:

Ազգային ավանդույթի համաձայն՝  թաղումը սգո առիթ չէ, այլ հանգուցյալի հանդերձյալ աշխարհի  ճանապարհորդության սկիզբը նշելու հնարավորություն: Բացի այդ, ենթադրվում է, որ զվարճանքը հաջողություններ է բերում մահացածի հարազատներին: