Բուրյաթիայում արջը եկել է ՌԴ նախագահական ընտրությունների
News.am
Բուրյաթիայում Սևերոբայկալսկ քաղաքում ընտրական տեղամաս է եկել արջի հանդերձանքով մի տղամարդ: Տեսանյութում ընտրական տեղամասի անդամները ընտրացուցակներում գտնում են «արջին», խնդրում ստորագրել և քվեաթերթ տալիս:
Զանգվածեղ հանդերձանքով տղամարդն այդպես էլ չի կարողացել քվեախցիկ մտնել, սակայն իր քվեն տվել է նախագահի թեկնածուի օգտին: Նա սեփական նախաձեռնությամբ է անձնագրով ընտրատեղամաս քվեարկության եկել արջի հանդերձանքով, իսկ հետո զվարճացրել է տեղացիներին, հայտնում է «Վոստոկ Տելեինֆորմը»:
Բուրյաթիայում ընդհանրապես ընտրություններն ուրախ են անցնում: Տեղամասերից մեկում քվեարկության եկածներին առաջարկում են արյան ճնշումը չափել: Կյախտայի ընտրական տեղամասում ցանկացողներին մերսում են արել: Իսկ Բիչուրսկի շրջանում №53 տեղամասում ընտրողներին առաջարկել են փլավ և խորոված ուտել: