Գլխավոր էջ » 2018 » Մարտ » 23 » Թուրքիայում ոստիկանական մեքենայում կին են բռնաբարել
16:42
Թուրքիայում ոստիկանական մեքենայում կին են բռնաբարել

News.am

Թուրքիայում բռնաբարության մեղադրանքով դատարանի առաջ է կանգնել 27-ամյա ոստիկանը։

Թուրքական Cumhuriyet–ի փոխանցմամբ՝  2018-ի հունվարի 5-ի ուշ երեկոյան Փ.Թ. անունով կինը Ստամբուլի Բեյլիքդուզու թաղամասում ոտքով տուն է գնացել, երբ ոստիկանական մեքենան նրա կողքն է կանգնել։ Այնուհետ մեքենան վարող ոստիկանը առաջարկել է մեքենայով տուն տանել, քանի որ գիշերով քայլելը վտանգավոր է։ Կինը մի փոքր համառելուց հետո նստել է մեքենան։ Սակայն 2 ոստիկանները կնոջը տուն տանելու փոխարեն տարել են ամայի տարածք, որտեղ Ս.Է.-ն բռնաբարել է կնոջը։

Այնուհետ կնոջը թողել են փողոցում և հեռացել։ Դեպքից անմիջապես հետո կինը զանգահարել է ոստիկանություն և հայտնել ոստիկանական մեքենայի համարները։

Դատարանում ոստիկանը հերքել է իրեն ուղղված մեղադրանքները՝ պնդելով, թե ամեն ինչ փոխադարձ համաձայնությամբ է եղել։

Դատախազությունը Ս.Է.-ի համար պահանջում է 12-ից 18 տարվա ազատազրկում։

Կից նյութեր: Նկար 1
Դիտումներ: 406 | Ավելացրեց: Moder-003 | - Վարկանիշ -: 3.6/12
Մեկնաբանություններն ընդամենը՝: 0
avatar