Ռուսաստանում ոստիկանությունը և հոգևորականները փորձում են ուրվականի դեմ պայքարել
Московский комсомолец
Տոմսկի մարզում ոստիկանությունը և Ուղղափառ եկեղեցին փորձում են պարզել պարանորմալ երևույթների պատճառները, որոնք սկսվել են Կոլպաշեվսկի շրջանի Մարաքս գյուղի տներից մեկում: Այնտեղ բնակարաններից մեկում սկսել են առարկաներ թռչել, այդ թվում դանակներ, գրում է «Մոսկովսկի կոմսոմոլեցը»:
Ոստիկանաններին դիմել է քաղաքացի Նատալյա Ժուկովան: Կինը պնդում էր, որ իր տանը տարօրինակ բաներ են տեղի ունենում, օդում առարկաներ են թռչում, այդ թվում դանակներ:
Իրավիճակը կայունացնելու համար ՆԳՆ աշխատակիցները ստիպված են եղել օգնության դիմել եկեղեցականներին: Ուղղափառ հոգևորականները ժամանել են դեպքի վայր և «բնակության վայրի լուսավորվածության ծես են կատարել, ինչպես նաև մնացել են գիշերելու», հաղորդում է Newsru-ն:
Հետագայում «ուրվականի» մասին տեղեկությունը հաստատել է Տոմսկի թեմը: Ըստ քահանաների՝ տեղական եկեղեցու վանահայրը արդեն եկել է դեպքի վայր, սակայն ուրվականը, որը երկար ժամանակ լռել էր, կրկին «վերակենդանացել է»:
Տոմսկի մարզի ՆԳՆ-ում նաև նշել են, որ նախաքննական ստուգումներ են իրականացնում քաղաքացիներին «չար» ուժերի կողմից ահաբեկման փաստի առնչությամբ: