Հնդկաստանում կնոջ վրա թթու են լցրել ամուսնության առաջարկը մերժելու համար

Երեք երեխաների ամուսնացած մայրը հավաքարար էր աշխատում Հնդկաստանի առևտրի կենտրոններից մեկում՝ Ջայպուրից ոչ հեռու։ Սուրբ Վալենտինի օրը նրա նախկին երկրպագուներից մեկը՝ Մեհբոբ Խանը, նրան ձեռքի և սրտի հրապարակային առաջարկություն է արել։ Երբ կինը նրան մերժել է, վերջինս կնոջ վրա թթու է լցրել, ինչի արդյունքում կինը դեմքի, ձեռքերի և մարմնի այրվածքներ է ստացել։ Ինքը՝ Մեհբոբ Խանը նույնպես վնասվածքներ է ստացել, քանի որ պատահաբար իր վրա էլ է թթու լցրել։ Այժմ նա իր զոհի հետ բուժվում է նույն հիվանդանոցում։

Ըստ ոստիկանության հայտարարության՝ տղամարդը կձերբակալվի հիվանդանոցից դուրս գրվելուն պես։ Նրան մեղադրանք է առաջադրվելու սպանության փորձի, թթվային գրոհի և հետապնդման համար։