Գլխավոր էջ » 2018 » Հունիս » 5 » Համբուրգի օդանավակայանը ժամանակավորապես դադարեցրել է աշխատանքը կարճ միացման պատճառով
21:53
Համբուրգի օդանավակայանը ժամանակավորապես դադարեցրել է աշխատանքը կարճ միացման պատճառով

Համբուրգի միջազգային օդանավակայանը դադարեցրել է օդային փոխադրումները կարճ միացման հետ կապված միջադեպի պատճառով, փոխանցում է «ՏԱՍՍ»-ը:

«Օդանավակայանն այսօր ստիպված էր դադարեցնել օդային փոխադրումները: Առաջացած անսարքությունը վերացնել չի հաջողվել: Օդանավակայանին պահեստային էներգիայի աղբյուր է անհրաժեշտ անվտանգ աշխատանքի ապահովման համար»,- նշվում է օդանավակայանի թվիթերյան էջում:

Ավելի վաղ՝ կիրակի օրը, օդանավակայանում կարճ միացում էր տեղի ունեցել: Էլեկտրականության հետ կապված խնդիրների պատճառով ուղևորների գրանցումն անհնար էր դարձել, ինչի պատճառով էլ չվերթներն իրականացնել հնարավոր չէր:

Համբուրգի օդանավակայանը տարեկան 17 միլիոն մարդու է սպասարկում. սա Գերմանիայի բոլոր օդանավակայանների շարքում հինգերորդն ցուցանիշն է:

Դիտումներ: 546 | Ավելացրեց: Moder-003 | - Վարկանիշ -: 3.7/6
Մեկնաբանություններն ընդամենը՝: 0
avatar