Գլխավոր էջ » 2018 » Մարտ » 8 » Ամերիկուհին գլխացավով է քնել և արթնացել բրիտանական առոգանությամբ
14:02
Ամերիկուհին գլխացավով է քնել և արթնացել բրիտանական առոգանությամբ

Արիզոնայում կինը, որն ամբողջ կյանքում ԱՄՆ-ում է բնակվել, առավոտյան հայտնաբերել է, որ բրիտանական առոգանությամբ է խոսում: Արտասովոր դեպքի մասին հայտնել է տեղական ABC15 հեռուստաալիքը: 2015 թվականին նա երեկոյան քնել է սարսափելի գլխացավով: Երբ արթնացել է, նրա մոտ բրիտանական առոգանություն է հայտնվել: Այն մինչ օրս պահպանվում է:

Արիզոնայի նահանգի Բաքայից գեղեցկության նախկին թագուհի Միշել Մայերսը հիմա լոնդոնյան առոգանությամբ է խոսում, չնայած Միացյալ Նահանգներից երբեք չի հեռացել: Յոթ երեխաների մայրը տառապում է բժշկական եզակի վիճակով՝ օտար առոգանության համախտանիշով: Այս վիճակը սովորաբար կապված է նևրոլոգիական վնասվածքի հետ:

Համախտանիշը սահմանվում է որպես «խոսքի խանգարում, որը խոսքի անսպասելի փոփոխություն է առաջացնում՝ այնպիսի, որ լեզվի կրողն ընկալվում է օտար առոգանությամբ, հաճախ առաջանում է ուղեղի վնասման, կաթվածի կամ վնասվածքի հետևանքով»:

Մայերսի խոսքով՝ երեք առանձին դեպք է եղել, երբ ինքը քնել է ուժասպառ անող գլխացավով, որից հետո իր մոտ նոր առոգանություն է հայտնաբերել: Առաջինը եղել է իռլանդական, այնուհետև՝ ավստրալական: Երկուսն էլ մոտ մեկ շաբաթ են պահպանվել: Բրիտանականը արդեն մի քանի ամիս պահպանվում է:

Պարզ չէ Մայերսը կաթված կամ վնասվածքներ ունեցել է, սակայն նա տառապում է նաև Էլերս-Դանլոսի համախտանիշով, որին հատուկ են սաստիկ ծռվող հոդերը, հարթ կամ առաձգական, հեշտ վնասվող մաշկը, վերքերի սխալ առողջացումը և սպիների առաջացումը, փոքր և փխրուն արյունատար անոթները:

Դիտումներ: 27 | Ավելացրեց: Moder-003 | - Վարկանիշ -: 0.0/0
Մեկնաբանություններն ընդամենը՝: 0
avatar